(Foto ilustruese)
Një dasëm e pak ditëve më parë në Shijak rrezikoi të kthehej në një dramë për të ftuarit, që brenda natës mbushën repartin infektiv të spitalit rajonal të Durrësit. 12 prej tyre gjendeshin ende të shtruar aty edhe tre ditë pas dasmës me probleme për shëndetin. Tashmë situata po normalizohet, por të sëmurët treguan për gazetarët atë që i ndodhi gjatë dasmës. Ushqimi në fillim iu ishte dukur i mirë. Problemet nisën disa orë më pas dhe për një pjesë, helmimi u shfaq ditën e nesërme. Ata u paraqitën në spital me diarre dhe temperaturë të lartë.
“Pacienti i parë që ka ardhur është paraqitur duke u gdhirë dita e martë. Ka qenë me shqetësime gastrointestinale, pra bark, të vjella, temperaturë të lartë dhe mbasi ka marrë ndihmën e parë në repartin e urgjencës është paraqitur në spital pasi gjendja nuk është përmirësuar. Pas dy orësh ka ardhur një çift të cilët kishin qenë në këtë dasmë. Erdhën punonjës të Drejtorisë së Higjienës, morën të dhëna, kanë shkuar edhe në burim, aty ku ka qenë dasmë, kuzhinieri thotë që nuk ka më mostra të ushqimit. Po atë ditë kanë , po të martën pasdite kanë ardhur edhe 9 të tjerë, deri në 12 të natës kemi pasur prurje. Të gjithë kanë qenë me të njëjtat shenja” tregoi shefja e repartit infektiv Nadire Jani.
Ndërkohë vetë dasmorët treguan për gazetarët se nuk kishin kuptuar asgjë përse arritën në atë gjendje.
“Ishim në dasmë, erdhëm këtu dhe petë. Nuk kuptuam asgjë, darka për mrekulli, pastërtia e lokalit në maksimum vetëm ditën tjerët na dha shqetësim. Kam tre ditën në spital, ndihem më mirë” tha një prej tyre.
“Jemi më mirë tani, shkuam në dasmë, hëngrëm në dasmë, u kënaqëm atje, ditën e tjetër pastaj, sonte u sëmurëm”, “Nuk e dimë çfarë ndodhi, jam me temperaturë akoma, nuk e dimë nëse ka qenë nga ushqimi” tregoi një tjetër./lapsi.al
