Dasma e Marinës dhe Getoarit ishte padyshim një nga dasmat më të përfolura të vitit. Mbrëmjen e djeshme çifti u kurorëzua në martesë nga kryetari i Bashkisë Tiranë, Erion Veliaj në bregdetin e Gjirit të Lalzit. Ceremonia u zhvillua teksa perëndonte dielli me personat më të dashur për çiftin. Më pas rreth orës 20:00 ata pritën 400 të ftuarit e tjerë në një tendë madhështore në kompleksin “Lura”.
Të ftuarit në këtë dasmë kanë qenë edhe emrat më të njohur për publikun. Përveç personave nga bota e artit, në këtë dasmë kanë qenë të ftuar edhe emra nga bota e biznesit dhe politikës. Përmendim këtu Saimir Manen, Aleksandër Frangaj, Vjollca Hoxhën, etj.
Në ambientin ku u pritën 400 të ftuarit mbizotëronin lulet natyrale, të cilat i jepnin një atmosferë magjike festës. Muzika popullore ka shoqeruar festën në pjesën më të madhe të kohës, ku të ftuarit nuk kanë pushuar së kërcyeri.
Një detaj mjaft interesant ishte vallja e Kukësit të cilën e kanë marrë së bashku dy prej Alba Frangaj bashkëshortja e Aleksandër Frangaj pronari i televizionit “Klan” së bashku me pronaren e “Top Channel” Vjollca Hoxha. Marina dhe Getoari kanë shoqeruar në kërcim të ftuarit thuajse gjatë gjithë kohës, duke e bërë atmosferën edhe më të bukur.
[ngg_images source=”galleries” container_ids=”188″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]Të ftuar nga bota e artit ishin emra si Ardit Gjebrea, Albana Osmani, Majk, Kastro Zizo, Rezearta Shkurta, etj. /Opinion.al
