Grabitja e ditës së sotme në aeroportin e Rinasti është e dyta grabitje për blindat me para të cilat janë ruajtur nga kompania “Nazeri 2000”.
Kujtojmë që vetëm tre vite më parë në aeroportin të Rinasit, u sulmua dhe u grabit furgoni me para që ishte në mbrojtje po nga kjo kompani.
Më 30 Qershor të 2016 dy persona hynë me makinë brenda rrethimit dhe nën kërcënimin e armës moren 1 milion euro nga blindi i “Nazeri 2000”. Për këtë ngjarje është shpallur në kërkim Aleks Pepa një nga autorët.
Por këto nuk janë ngjarjet e vetme ku sulmohen makina që trasportojnë valuta të bankave. Më 13 Shkurt 2015 pranë stacionit te trenit gjatë kohës që kompania “Gjici” po ngarkonte paratë në blind u morën rreth 2.5 milion Euro. Autorët goditën dhe kërcënuan punonjësit duke u larguar me qetësi nga aty.
Ndërsa, më 3 dhejtor 2015 ndodhi një tjetër grabitje në rrugën që të çon për në aeroportin e Rinasit në kryqëzimin e Laknasit, ku autorët arritën të merrnin 3.8 milionë euro. Kompania e cilia kishte në mbrojtje automjetin që transportonte paratë ishte “Rogat”. Në këtë grabitje, mësohet se morën pjesë katër persona të armatosur të veshur me uniforma policie.
Më më 9 Shkurt 2017, pranë kryqëzimit të Laknasit grabitet kompania e ruajtjes fizike “Jaguar”, e cila ishte duke transportuar para. Mësohet se në këtë grabitje ishin pesë autorë të armatosur të cilët arritën të merrnin rreth 2 milionë euro.
Kujtojmë që, 8 persona të cilët kishin marrë rreth 8 milionë euro në 3 grabitje u dënuan nga Gjykata e Krimeve të Rënda me 104 vite burg. Opinion.al E.Xh.
