Tatjana Bajraktari, një grua nga Ukraina e cila prej 14 vitesh jeton në Shqipëri ka treguar se ka në Kiev dy prindërit e saj, ndsërsa situata në qytet po bëhet edhe më e vështirë.
E ftuar në emisionin “Opinion”, ndërsa tha se rrugët për t’u larguar nga Kievi janë të pasigurta, ajo tha se tashmë njerëzit që nuk janë larguar që në ditët e para duket se do të qëndrojnë.
“Që në ditët e para ju kam thënë prindërve të vijnë këtu, por nuk kanë pranuar. Kush nuk ka ikur ditët e para, tashmë ka vendosur që të qëndrojë”, u shpreh ajo.
Me bashkëpuntorë dhe miq në Ukrainë, Rusi dhe Bjellorusi, Bajraktari tha se popujt e të tre vendeve nuk e mbështesin luftën.
“Asnjë popull nuk është dakord, as rus dhe as bjellorus. Ne kemi miq dhe partnerë edhe në Rusi edhe në Bjelllorusi edhe në Ukrainë. Vetë populli nuk e do këtë luftë, kam marr shumë telefonata, që më thonë: ne jemi gati të dalim, ne jemi kundër luftës”, tregoi ajo./Opinion.al
