Rajoni

Taravari: Të enjten bie qeveria “Zaev”


Bëhu pjesë e Grupit Zyrtar të Opinion.al
>> KËTU <<
               Publikuar në : 20:07 - 09/11/21 |
Opi Nion

Në emisionin e mbrëmshëm Klan Debat sekretari i përgjithshëm i ASH-së, Arben Taravari, shprehet i bindur se ditën e enjte do të votohet mosbesimi i qeverisë, ndërsa Izet Mexhiti thotë se BDI do të vazhdojë të qeverisë vendin.

Edhe pse para kamerës së Klanit tha se kanë formuar shumicë të re ku pjesë bën edhe “E majta”, Taravari disa herë në Klan Debat, mohoi se kanë bashkëpunim me “Të majtën”.

“Ne nuk kemi asnjë bashkëpunim me “Levicën”, ASH dhe AA nuk ka kurrfaër bashkëpunimi me Levicën. Me Levicën ne nuk kemi bashkëpunim. Kur të kemi bashkëpunim me Levicën na thoni tani s’kemi bashkëpunim”, tha ai.

E më vonë e sqaroi se për çfarë bshkpunimi bëhet fjalë.

“Grup deputetësh që kërkojnë mosbesimin e qeverisë”, tha Taravari.

Mirëpo i të njëjtit mendim nuk është nënkryetari i BDI-së Izet Mexhiti sipas tij, aty shihet se Levica është faktor determinues për ta rrëzuar këtë qeveri që e futi vendin në NATO.

“Janë mbledh aty se kanë interesa të përbashkëta”, tha ai.

Sekretari i përgjithshëm i ASH-së, Arben Taravari, shprehet i bindur se ditën e enjte do të votohet mosbesimi i qeverisë, sipas tij, kësaj nisme do t’i bashkangjiten edhe dy deputetë të tjerë, por pa precizuar emra se kush janë ato.

“Jemi të sigurt se ditën e enjte do të votohet mosbesimi i qeverisë. Mund të na akuzonit nëse ne do shkonim në qeveri bashkë me Levicën, por tani nuk ka pse akuzohet ASH-ja, pasi ajo as nuk bisedon diçka me atë parti”, tha Taravari.

Nga ana tjetër nënkryetari i BDI-së Izet Mexhiti është i bindur se BDI do të vazhdoj të udhëheqë vendin. Mexhiti vlerëson se për  Bashkimin Demokratik për Integrim është ideale që të mbahen zgjedhje të parakohshme parlamentar./ Klan Macedonia

Pas