Militantët talebanë kanë dhënë ditën e sotme konferencën e tyre të parë për shtyp.
Kjo konferencë për mediat vjen dy ditë pas vendosjes nën kontroll të plotë të Afganistanit. Gratë do të gëzojnë të drejta sipas sheriatit [ligjit islam], thotë zëdhënësi Zabihullah Mujahid. Ndër të tjera Mujahid është shprehur se Afganistani është një komb mysliman.
Sipas tyre, kur bëhet fjalë për përvojën, pjekurinë dhe vizionin, sigurisht që ekziston një ndryshim i madh mes tyre tani dhe krahasimit me 20 vite më parë.
“Ka një ndryshim në veprimet që do të ndërmarrim. Ky ka qenë një proces evolucionar“.
Zabihullah Mujahid theksoi ndër të tjera se talebanët po punojnë për të formuar një qeveri.
“Pasi të formohet qeveria, ne do të vendosim se cilat ligje do t’i paraqiten kombit. Një gjë duhet të them, ne po punojmë seriozisht për formimin e qeverisë, e cila do të shpallet së shpejti. Ne i kemi të gjithë kufijtë nën kontrollin tonë,” shton ai.
Ai, deklaroi gjithashtu se janë falur të gjithë, për hir të stabilitetit dhe paqes në Afganistan.
“Ata që humbën jetën si rezultat i luftës në krah të armikut është faji i tyre. Ne pushtuam të gjithë vendin brenda pak ditësh. Pas formimit të një qeverie, gjithçka do të jetë më e qartë.”
