Presidenti dhe kryeministrja serbe, Aleksandar Vucic dhe Ana Brnabic kanë takuar ambasadorin kinez në Beograd Li Manchang, për ta njoftuar për zhvillimet në Kosovë dhe për t’i kërkuar ndihmë Kinës.
Presidenti serb, Vuçië i ka thënë ambasadorit kinez se këto shqetësime duhe t’ia përcjellë Kinës, duke u ankuar se Serbia nuk ka qenë asnjëherë në situatë më të vështirë.
Vuçië e ka akuzuar KFOR-in se qëllimisht nuk po e kryen detyrën e vet në Veri, duke lejuar Policinë e Kosovës të ndërhyjë atje.
Vucic gjithashtu i është ankuar Kinës për vendosjen e taksës prej 100 për qind ndaj produkteve serbe, që sipas tij shkel Marrëveshjen për Stabilizim Asociim dhe atë të CEFTA-s, raporton gazeta “Metro” në Kosovë.
Ambasadori Li ka thënë se Kina e kupton në mënyrë të përkryer se çfarë po ndodh në Kosovë dhe se ajo është e njohur tashmë me skenarin e sulmit në integritetin e Serbisë. Ai ka theksuar se do informojë shtetin e tij për situaten e krijuar mes dy vendeve.
lexo edhe:
Kthehen në doganë kamionët me produkte serbe
