Bota

Takimi në Hauai, cilat janë mosmarrëveshjet mes SHBA dhe Kinës


Bëhu pjesë e Grupit Zyrtar të Opinion.al
>> KËTU <<
               Publikuar në : 15:15 - 18/06/20 |
Opi Nion

Mosmarrëveshjet midis Kinës dhe ShBA për Hong Kongun, Tajvanin dhe Xinjiangun u diskutuan dhe mbizotëruan të mërkurën në një takim midis diplomatëve të lartë nga të dy vendet, në Hauai, pavarësisht njoftimit të Pekinit se dialogu kishte qenë ‘konstruktiv’, me arritjen e një marrëveshjeje për përmirësimin e lidhjeve bilaterale .

Yang Jiechi, një anëtar i Byrosë Politike të Partisë Komuniste, i tha Sekretarit të Shtetit të SHBA-së Mike Pompeo, se Pekini ishte i vendosur të vazhdojë përpara me legjislacionin e sigurisë kombëtare për Hong Kongun. Takimit i’u bashkua edhe sekretari Stephen Biegun, përfaqësuesi special i SHBA për Korenë e Veriut.
Zëdhënësi i ministrisë së jashtme kineze, Zhao Lijian tha se Yang i tha Pompeos se Kina ishte e angazhuar për ndërtimin e një marrëdhënie jo-konfrontuese dhe reciprokisht të respektueshme me SHBA, por Kina gjithashtu do të mbronte me vendosmëri territorin e saj, sigurinë dhe interesat e zhvillimit.

Zhao tha se Yang kishte shprehur gjithashtu qëndrimin e Kinës ndaj Hong Kongut, Tajvanit dhe Xinjiangut, duke përsëritur se miratimi i legjislacionit të sigurisë kombëtare në Hong Kong ishte një çështje e brendshme. Yang gjithashtu i tha Pompeos se Tajvani ishte një pjesë e Kinës, dhe shprehu kundërshtim ndaj një ligji të ri mbi Xinjiangun të nënshkruar nga presidenti amerikan Donald Trump në të njëjtën ditë.

Një raport i medias së drejtuar nga shteti kinez, tha që Yang dhe Pompeo patën një diskutim të thellë mbi marrëdhëniet Kinë-SHBA, dhe çështjet ndërkombëtare dhe rajonale me shqetësim të përbashkët. ‘Të dy palët kanë shprehur qëndrimin e tyre dhe besojnë se ky është një dialog konstruktiv,’ tha ai.

‘Si SHBA ashtu edhe Kina ranë dakord të ndërmarrin veprime për të zbatuar me seriozitet konsensusin e arritur nga udhëheqësit e tyre dhe për të vazhduar komunikimin’.

Të dy diplomatët kanë darkuar të martën dhe takimi zgjati rreth shtatë orë.  Në ditën e takimit të diplomatëve, Trump nënshkroi ligjin që autorizonte sanksione zyrtare për Kinën në lidhje me internimin masiv të grupeve etnike myslimane në rajonin autonom në veriperëndim të Kinës./ Opinion.al

Pas