Pas takimit të kryeministrit të Malit të Zi, Dushko Markoviç me kancelaren gjermane Angela Merkel në Berlin, në faqen zyrtare të qeverisë së Malit të Zi në rrjetin social Twitter është postuar një mesazh i shkurtër që sqaron se nuk do të ketë ndryshim të kufijve në Ballkan.
“Nuk ka ndryshim të kufijve në Ballkan”, -thuhet qartë në njoftimin e qeverisë së Malit të Zi në Twitter.
Duke përforcuar edhe një herë tjetër deklaratën e Merkel, bërë ditë më parë, ku u shpreh kundër çdo ndryshimi të kufijve në Ballkan.
Kjo deklaratë vjen pasi në Prishtinë dhe Beograd është diskutuar për korrigjim të mundshëm të kufijve nga presidenti i Kosovës, Hashim Thaçi dhe homologu i tij serb, Aleksandar Vuçiç.
Nga ana tjetër, mësohet se kancelarja gjermane ka përkrahur integrimin e vendeve të Ballkanit Perëndimor në BE.
