Ditën e nesërme pesë krerët e partive të vogla opozitare do të zhvillojnë një takim me presidentin Ilir Meta, ku në fokus të takimit do të jetë kriza politike në vend.
Kryetari i Partisë Republikane, Fatmir Mediu, është shprehur në “Abcnews” se pesë partitë e opozitës kërkojnë ndryshim të sjelljes politike mbi parimet kushtetuese.
Mediu u shpreh se gjatë takimit që do të zhvillohet nesër me presidnetin Ilir Meta, do t’i kërkojnë ndryshim të sistemit zgjedhor, ruajtjen e votës nga fenomeni i shit-blerjes si dhe shmangien e konflikteve politike, që sipas tij dëmtojnë vendin.
“Ne krijuam këtë grupim se mendojmë që secili duhet të ketë një rol në politikë dhe kemi bashkuar 5 parti, e cila nuk ka të bëjë me zgjedhjet lokale, por sesi duhet të ndryshojmë sjelljen politike për të pasur një republikë parlamentare të shtetit të së drejtës dhe balancim të pushtetit mbi parimet kushtetuese. I kemi kërkuar takim Presidentit dhe duke pasur në konsideratë ruajtjen e sistemit pluralist përmes zgjedhjeve pluraliste.
Debati ynë është për sistemin zgjedhor. Ne kërkojmë ndryshimin e sistemit zgjedhor e para, dhe e dyta parlament kushtetues për të minimizuar blerjen e votës.
Ne kemi President Republike dhe un abstragoj nga emri, se duhet të respektojë autoritetin kushtetues të Presidentit të Republikës dhe kur kërkoj të angazhohem me institucionin e Presidentit që ai në funksionin kushtetues të shmangë një konflikt që është në dëm të interesave të vendit
Ne kërkojmë nga Presidenti që nisur nga situata cënon integritetin tonë si popull dhe kushtetueshmërinë e vendit e cila është thuajse e rrëzuar dhe po shkojmë që s’do kemi as zgjedhje pluraliste, por farsë dhe shmangie nga qëllimi ynë kombëtar që është integrimi dhe Presidenti ka detyrën që palët duhet të gjejnë përgjegjshmërinë e tyre”,-u shpreh Mediu
Këto deklarata, Mediu i bëri pas takimit që aleatët e PD zhvilluan me kreun e kësaj paritë, Lulzim Basha / Opinion.al E.Xh.
