Lulzim Basha ka ironizuar mesditën e sotme takimin e Ramës me emigrantët shqiptarë në Athinë.
Nëpërmjet një postimi në rrjetet sociale, Basha e quan takimin një ekskursion të shtrenjtë të administratës shtetërore në Greqi.
Basha shkruan gjithashtu se kryeministri po mundohet të fshehë me gjethe fiku korrupsionin dhe premtimet e pambajtura, duke luajtur kartën e nacionalizmit shterp.
“Kthim të mbarë administratës shtetërore të shpërngulur në Athinë për këtë ekskursion të shtrenjtë të kryeministrit që shpopulloi vendin dhe pengon votën e atyre që degdisi rrugëve të botës për shkak të keqqeverisjes dhe korrupsionit.
Nacionalizmi shterpë është gjethja e fikut pas të cilës fsheh premtimet e pambajtura ndaj bashkëqytetarëve tanë në emigrim, të cilëve u kemi borxh të drejtën e votës një orë e më parë”, shkruan Basha.
