Ka nisur në Beograd, konferenca për mediat mes kryeministrit Rama, Presidentit serb Aleksandër Vuçiç dhe Zv kryeministrit të Maqedonisë së Veriut, Nikolla Dimitrov për iniciativën “Open Balkan”.
Fjalën hyrëse e mbajti Presidenti serb, Aleksandër Vuçiç, i cili tha se “Open Balkan” është një nismë e jashtëzakonshme pasi sipas tij pas një viti e gjysmë qytetarët e vendeve të rajonit duhet të lëvizin lirisht nga Tirana në Shkup apo vend tjetër.
“Ose do t’i miratojmë sot, do të them diçka në lidhje me ato që kemi diskutuar. Ne vendosëm se, apo pamë se të gjithë njerëzit janë në favor të këtij projekti ajo që është dëshpëruese është fakti se ajo për të cilën ramë dakort është se nuk jemi në gjendje ta zbatojmë plotësisht, por, ramë dakort për atë që do të zbatojmë në të ardhmen. Është një nismë e jashtëzakonshme që bën dallimin. Kjo nismë nuk u nis as për Vuçin, Ramën apo Dimitrov, por për njerëzit që jetojnë në çdo fshat të vendit tonë. Ne ramë dakort për ngritjen e një këshilli të zbatimi dhe përbërjen e saktë të këtij këshilli do ta zgjedhim më vonë. Do të kemi sërish takime për ta analizuar edhe njëherë situatën. Për herë të parë folëm edhe njëherë seriozisht për transportimin e mallrave. Jam mirënjohës për ndihmën e dhënë dhe nga SHBA që na sollën njerëz dhe mjete. Puna jona është të fokusohemi. Bëmë një takim dhe me sipërmarrësit. Ata presin deri në 30 orë në kufijtë tanë dhe kjo gjë nuk duhet të ndodhë. Kjo është arsyeja. Ne do të kemi një kontroll të plotë nga ana jonë. Ekonomia varet nga kjo nëse duam rezultate. Ramë dakort edhe për bashkëpunimin e mëtejshëm sepse njerëzit tanë për një vit apo një vit e gjysmë duhet të lëvizin pa asnjë pengesë nga Tirana në Shkup apo vend tjetër”, tha Vuçiç.
Më tej Vuçiç theksoi se Samiti i ardhshëm do të mbahet në Tiranë pas Krishtlindjeve.
“Takimi ynë i radhës do të jetë pas Krishtlindjeve katolike në Shqipëri. Do ta nënshkruajmë atje edhe memorandumin e lejeve të punës, njerëzit tanë do të punojnë lirisht”, tha Vuçiç.
