Kryeministri Edi Rama, ka folur nga Beogradi, ku po zhvillohet takimi i “Open Balkan”.
Gjatë fjalës së tij, kryeministri Rama, tha se shtetet pjesëmarrëse në këtë takim kanë rënë dakord për një qëndrim të përbashkët ndaj Bashkimit Europian, lidhur me situatën e bllokimit që po i bëhet Maqedonisë së Veriut dhe Shqipërisë për antarsimin në BE.
“Takuam Këshillin e Atlantikut, ka ardhur nga SHBA në mbështetje të kësaj përpjekjeje duke pritur që të njihemi me rezultatet e një studimi që do të ekspozohet në Tiranë për përfitimet nga “Ballkani i Hapur” i të gjashtë vendeve. Kemi rënë dakord për një qëndrim të përbashkët adresuar BE-es, duke kuptuar situatën me bllokimin absurd që i është bërë procesit të Republikës së Maqedonisë së Veriut dhe Shqipërinë, por duke nënvizuar se nuk kemi asnjë lëkundje për të ndërtuar në vendet tona standardet e BE-së. E nga ana tjetër kemi bindjen se BE, ndërkohë që është i zhytur në dilemat e veta, peng i tyre ka rënë edhe integrimi në BE i rajonit, mund të konsiderojë disa hapa të rëndësishëm për të ardhur më pranë rajonit duke integruar në rrjetin e universiteteve të BE universiteteve tona, duke integruar në rrjetin e mbështetjes për fermerët tanë, duke integruar në tregun e përbashkët evropian në aspekte e segmente të caktuara në vendet tona”-tha ndër të tjera Rama./Opinion.al
