Presidenti Meta ka zhvilluar një takim me ministren e Shëndetësisë dhe Mbrojtjes Sociale, Ogerta Manastirliu, fokusuar tek sfidat aktuale të përballimit të pandemisë COVID-19.
Kreu i Shtetit siguroi Ministren për mbështetjen e tij të plotë për institucionet shëndetësore, dhe theksoi rëndësinë e mbështetjes së këtij sektori me buxhetin e duhur, si dhe nevojën e rritjes së masave mbrojtëse për mjekët.
Meta dhe Manastirliu theksuan po ashtu domosdoshmërinë e vijimit të koordinimit midis autoriteteve qendrore dhe vendore.
Nga ana e saj, ministrja Manastirliu e informoi Presidentin se janë marrë masat për sigurimin e mjeteve të mbrojtjes personale, rritjen e kapaciteteve të testimeve, kapaciteteve spitalore dhe burimeve njerëzore./Opinion.al
