Pas heqjes së mandatit, Dashamir Tahiri ka sulmuar Komisionin Qendror të Zgjedhjeve duke e cilësuar vendimin e saj si politik dhe në shkelje të ligjit.
Përmes një postimi në rrjetet sociale, Tahiri shkruan se që në fillim të procesit është parë qëndrimi politik. Ai thekson se vendimi politik i KQZ është marrë për ta dëmtuar figurën e tij dhe opozitën, si dhe për të vendosur barazpeshë në procesin e dekriminalizimit.
Reagim per vendimin e KQZ
Qe ne fillim te ketij procesi eshte pare qendrimi politik. Mazhoranca ne KQZ nuk ka respektuar ligjin por ka marre vendim politik per te me demtuar mua dhe opoziten si dhe per te vendosur barazpesha te papranueshme ne kete proces.
Sfidoj kedo prej anetareve te KQZ qe kane sadopak integritet personal dhe profesional qe te me gjejne vetem nje element te ligjit per te bere te pavlershem mandatin tim.
Kjo eshte nje beteje qe me shume se politike ka te bej me dinjitetin personal te votuesve te Vlores dhe komunitetit Cam qe me ka mbeshtetur per te cilen detyrohem ta ndjek kete ceshtje deri ne fund ne rruge ligjore per te zbardhur te verteten. Mandati im nuk eshte i KQZ dhe as i lojrave politike por i votuesve te Vlores.
