Prokurorët e çështjes në ngarkim të ish-ministrit Saimir Tahiri, i kërkuan Prokurorisë së Krimeve të Rënda në mesin e muajit janar shtyrjen edhe për një afat tjetër tremujor të hetimeve.
Vendim që u mor parasysh nga kjo Prokurori.
Shtyrja e hetimeve u kërkua me arsyetimin se prisnin përgjigjen e letërporosive që kishin dërguar në Mal të Zi dhe në Itali, ndaj Tahirit, si edhe përkthimin e akteve të marra nga Italia.
Sot ish-ministri i Brendshëm, e ka ankimuar sërish zgjatjen e hetimeve.
Ai ka kërkuar që dosja e tij të shkojë për vlerësim në Gjykatën e Krimeve të Rënda, me qëllim mbylljen e saj.
Kjo është hera e tretë që ish-ministri Tahiri ankimon zgjatjen e hetimeve.
Prokuroria e Krimeve të Rënda, e akuzon ish-deputeti n socialist për “Trafikim të lëndëve narkotike”, kryer në bashkëpunim, në kuadër të grupit të strukturuar kriminal dhe “Korrupsion pasiv i funksionarëve të lartë”. D.l
