Ish-deputetja Jorida Tabaku zhvilloi këtë të dielë një takim me biznese të ndryshme në Tiranë për t’i njohur ata me programin e PD-së për të rritur ekonominë, përmes uljes së taksave, pullës fiskale që mban larg tatimorët dhe rritjes së konsumit.
Bizneset pohuan të gjithë se situata është shumë keq, njerëzit blejnë shumë pak, pandemia i ka goditur keq dhe qeveria nuk i ka ndihmuar. “Prezantimi i pullës fiskale tek çdo biznes i vogël që paguan taksa, bën të mundur që biznesit të mos i bien në qafë tatimorët dhe pastaj pjesën tjetër e bën taksa.” – tha Jorida Tabaku gjatë takimit me bizneset.
Sipas Tabakut, qëllimi i programit të PD-së është të fitojë individi dhe ekonomia. Tabaku tha se biznesi i madh në programin e PD do të ketë15% në 9% tatim fitimin. Kjo, sipas saj do t’i japë më shumë mundësi që të investojë.
“Programi ka qëllim të fitoje individi, të fitoje ekonomia. Nuk mundet të fitoje Edi Rama dhe Arben Ahmetaj dhe 5 veta që kanë mbrapa, duhet të fitojnë të gjithë shqiptarët. Për biznesin e madh nga 15% në 9% tatim fitimin. Kjo të jep më shumë mundësi që të investosh. Sigurimet shoqërore, kontributet e punëdhënësit dhe punëmarrësit 9% me 9%; taksë e sheshtë edhe këtu. Çmimi i energjisë elektrike sidomos për prodhuesit ulet me 20%. Rritja e çmimit të karburantit ka rritur kostot e prodhimit. Janë të gjitha zinxhir. Pra, fiton ti, fiton Shqipëria, fitojnë të gjithë shqiptarët. Ju jeni baza e ekonomisë. Me 25 prill te bëjmë ndryshimin e madh.”, -shpjegoi Tabaku.
