Politikë

Tabaku: Sistemi online i thesarit, jashtë funksionit


               Publikuar në : 17:19 - 14/08/19 |
Opi Nion

Ish-deputetja e PD Jorida Tabaku, është shprehur se që prej datës 2 gusht sistemi i thesarit online nuk funksionon.

Tabaku shkruan në reagimin e saj në “Facebook”, kjo lidhet me faktin se qeveria po kryen pagesa të fshehta, ose kjo e fundit prej më shumë se 10 ditësh, nuk po kryen më pagesa për shkak të mungesës së buxhetit.

Ish-deputetja deklaron se me mosfunksionimit e sistemit, tashmë të gjithë janë të painformuar mbi veprimtaritë e qeverisë.

Reagimi i Tabakut

Cfarë po ndodh me sistemin e Thesarit?

Që prej datës 2 Gusht sistemi i thesarit online nuk funksionon! Që kjo qeveri ka thyer çdo standart transparence është e qartë! Nuk publikohen me tenderat online, nuk dalin më vendimet e qeverisë në fletoren zyrtare, as dekretet e presidentit, nuk publikohen më ligje në faqen e kuvendit. Faktikisht, nuk ka me asnjë mënyrë se si të aksesosh dokumente zyrtare!

Por fakti që sistemi i thesarit nuk funksionon prej më shumë se 10 ditësh do te thotë dy gjëra; ose janë duke kryer pagesa e rimbursime që duan t’i mbajnë të fshehta ose qeveria shqiptare ka më shumë se 10 ditë që nuk bën pagesa pasi qeveria nuk ka më parà!

Kushdo qoftë arsyeja ajo çfarë vlen për t’u theksuar është terri i plotë informativ mbi veprimet e qeverisë. Tanimë nuk bëhet fjalë për thyerjen e standarteve të vendosura nga qeveria demokratike. Bëhet fjalë për fshehjen e një krimi që është po aq i rëndë sa vetë krimi. Në pritje të Ministrisë për të reaguar duhet të kuptojmë që spektakli i ofruar në televizor me inspektimet tatimore është gënjeshtra që mbulon malin e madh të korrupsionit!/ Opinion.al E.Xh.

Pas