Është mbledhur sërish këtë të premte Komisioni Hetimor për Inceneratorët. Administratorja e kompanisë koncensionare të inceneratorit të Tiranës, “Integrated Energy BV SPV”, Ariola Kodra, nuk është paraqitur në këtë seancë.
Ndërkohë, kryetarja e komisionit, Jorida Tabaku, i ka dhënë ultimatum Kodrës se nëse nuk paraqitet deri në drekë do i kërkojë policisë ta marrë me forcë.
Tabaku: Për zonjën Kodra do njoftojnë shërbimet e policisë për ta sjelle me forcë. Pas njoftimi që unë bëra për të bërë kallëzime për personat që nuk sjellin informacione ne kemi një fluks informacionesh. I kërkoj PS kërkesën për zotin Artan Rama për të dëshmuar në këtë komision.
Unë besoj se PS mund të ketë reflektuar. Zonjës Ariola Kodra i kërkuam disa dokumenta por s’ka ardhur. Unë jam vendosur në dijeni të shumë fakteve të reja të lidhjes së zonjës Kodra me pronarët e inceneratorit, jam vendosur në dijeni në lidhje me fakte të lidhjeve të hershme të biznesit të saj me pronarët e inceneratorit, për të cilat në komision ajo nuk po them se po gënjeu por tha të pavërteta. Ne jemi duke pritur ende informacion për pjesën financiare të kompanisë. Stafit i kërkoj ti nisim një kërkesë tjetër në të kundër të drekë do i kërkojmë policisë ta sjellë me forcë./Opinion.al
