Ish-deputetja e Partisë Demokratike, Jorida Tabaku ka akuzuar edhe njëherë qeverinë se në rastin e rrugës Milot-Fier kemi të bëjmë me një aferë.
Në një postim në Faceook, Tabaku deklaron se fituesi i konçesionit është paracaktuar dhe se ajo është kompania greke GEK Terna.
Në një video që ka publikuar, ish-deputetja tregon se kjo kompani ka marrë një hua prej 500 milionë eurosh pikërisht pasi ka marrë garancinë se do të jetë fituesja e konçesionit për rrugën Milot-Fier.
“Rruga 1.2 miliardë euro, Milot-Fier, e gjatë 115 km, ku 62 km janë të përfunduara, është koncesion me fitues të paracaktuar. Ajo është kompania greke GEK Terna. Gjithçka tjetër është gënjeshtër për të mbuluar hajdutin, siç ka ndodhur kēto 7 vjet me çdo projekt PPP, të ideuar dhe zbatuar nga Rama. Një tjetër histori vjedhje me një barrë në kurrizin e shqiptarëve të varfëruar që do të paguhet për 35 vjet me radhë si PPP. Fakte të reja pse fituesi është paracaktuar.”, shkruan Tabaku. /Opinion.al
