Deputetja e PD, Jorida Tabaku, në mbledhjen e sotme të Konferencës së Kryetarëve tha se mazhoranca nuk e ka legjitimitetin me dy deputetë në burg dhe dy në pikëpyetje ta zgjedhe me votat e saj kreun e ri të shtetit.
Sipas Tabakut, ky proces duhet të jetë gjithëpërfshirës dhe se qytetarëve duhet t’iu sigurohet transparencë maksimale për çdo takim.
“Fatkeqësisht ky proces s’ka nisur me seriozitetin që i takonte këtij procesi. Ndryshe nga sa ju thoni për të zgjedhur një kandidat që nuk i takon PS, procesi ka lindur e nisur në PS do kish qene e udhës të niste ndryshe.
Ajo që është e sigurt që mazhoranca s’e ka legjitimitetin të zgjedhë një president vetëm. Me dy deputetë që sot ndodhen pas hekurave me dy deputetë të tjerë në pikëpyetje. Ky proces duhet të jetë gjithëpërfshirës. Së pari duhet t’i sigurojmë qytetarëve transparencë maksimale, në çdo takim duhet të ketë transparencë. Nuk po zgjedhim një përfaqësues të PS”, tha ajo.
