Presidenti i Republikës Ilir Meta ka shpërthyer me tone të ashpra ndaj mazhorancës ditën e sotme teksa kishte një dalje për mediat.
Gjatë fjalës së tij Meta ka sulmuar kryeministrin Edi Rama dhe Damian Gjiknurin, si përfaqësues i PS në Vlorë.
Meta ndër të tjera u shpreh se ata e dinë shumë mirë se çfarë mund t’iu bëjnë vajzat dhe gratë e Vlorës këtyre vagabondëve.
Presidenti Meta shtoi gjithashtu se ata janë mësuar me çimka dhe janë dënuar jashtë për trafikim vajzash.
“Se ç’po bën numri 8 në Vlorë, unë nuk e di. E di që kishte një skenar për të marrë 9 pa ndeshje fare, ky skenar është përvëluar dhe djegur. Për këtë kam njoftuar dhe përfaqësuesit e opozitës. Doni provë më të madhe se biseda telefonike para pak ditësh, ku Damiani u inkurajua për të bërë dhe një tërmet tjetër në Vlorë. Por atje ka burra pushke, kur bëhet fjalë për sovranitetin.
Ju e kuptoni se cfarë mund t’iu bëjnë këtyre vagabondëve vajzat dhe grave shqiptare, sepse ata janë mësuar me çimka, janë dënuar dhe jashtë për trafikim vajzash. Presidenti as nuk i shet, as nuk i trafikon kurrë, por do mbrojë identitetin e vajzave dhe grave shqiptare. Këtë ta dijë ai dhe gruaja e tij. Nesër e njoftoj Damianin se jam në Vlorë prapë.
Është i ftuar të vijë, po ja bëj këtë favor. Skenari është përvëluar, nuk ekziston më. Unë do të jem në Vlorë edhe ditën e numërimit, ta dinë të gjithë. Nëse kanë marrë lekë, le t’i mbajnë, por të kenë mendjen në mësim”, tha Presidenti Meta.
