PARIS- Mediat ndërkombëtare referuar burimeve nga zyra e prokurori bëjnë të ditur se janë identifikuar dy terroristët e vrarë në sulmet e së premtes. Ata janë Ahmad Al Mohammad dhe Samy Amimour. Al Mohammad, terroristi që u vra nga shpërthimi në stadiumin Stade de France.
Sipas pasaportës që u gjet pranë trupit ai ka lindur më 10 shtator 1990 në Idlib të Sirisë. Ndërsa gazeta serbe Blic aludon se ky person ka udhëtuar nëpër Maqedoni, më pas në Serbi, ku ka kërkuar azil në Preshevë.
I dyti, Samy Amimour, edhe ky i vrarë në teatrin e Bataclan ka lindur në 15 tetor në 1987 në Paris dhe është nga rrethinat veri-lindore të Drancyt. Ai ishte person me precendetë penal.
