Të paktën 14 persona mbetën të vdekur dhe 8-të të tjerë të palgosur pasi një grup meshkujsh të maskuar si ushtarakë, hynë brenda një qendre të rehabilitimit të përdoruesve të drogës në Meksikë dhe hapen zjarr ndaj pacientëve.
Dëshmitarët treguan se sapo hynë brenda, agresorët e armatosur nisën menjëherë të qëllonin këdo që ju doli para.
Ende nuk ka një version zyrtar të ngjarjes ndërsa motivet po hetohen.
Qendrat e rehabilitimit të përdoruesve të lendeve narkotike kanë qenë disa herë në shënjestër të trafikantëve të drogës të cilët sulmojnë këto qendra pasi dyshojnë se grupe rivale fshihen aty.
Shpesh, qendrat e rehabilitimit përdoren edhe për rekrutimin e shpërndarësve të lendeve narkotike. /Tv Klan
