Të paktën 61 njerëz raportohet të jenë vrarë nga një makinë bombë mëngjesin e sotëm në kryeqytetin e Somalisë.
Shpërthimi ndodhi në një pikë kontrolli në një kryqëzim të populluar në Mogadishu.
“Shpërthimi ishte shkatërrues dhe unë mund të konfirmoja më shumë se 20 civilë të vrarë, pati shumë të tjerë të plagosur,” u citua oficeri i policisë Ibrahim Mohamed nga agjensia e lajmeve AFP.
Asnjë grup nuk ka marrë ende përgjegjësi për bombën, por militantët e al-Shabab shpesh kanë kryer sulme të tilla.
Al-Shabab, një grup militantësh islamikë, aleatë me Al-Kaedën, ka zhvilluar një kryengritje për më shumë se 10 vjet. Ata janë detyrua të dalin nga kryeqyteti në 2011, por ende kontrollojnë disa zona të vendit.
Një deputet Somali, Mohamed Abdirizak, deklaroi se numri i viktimave është më shumë se 90, megjithatë informacionet që ai tha se kishte marrë nuk janë konfirmuar.
Pesë vetë u vranë në fillim të këtij muaji kur al-Shabab sulmoi një hotel në Mogadishu me politikanë, diplomatë dhe oficerë ushtarakë. /Opinion.al
