Turqia ka arrestuar nëntë persona, duke përfshirë një anëtar të Partisë në pushtet AK, pasi kreu i opozitës së vendit u godit dhe makina e tij u qëllua me gurë, në ceremoninë e varrimit të një ushtari në fundjavë. Lajmin e ka bërë të ditur vetë Ministri i Brendshëm i Turqisë.
Kemal Kılıçdaroğlu u sulmua të dielën pasi mori pjesë në një varrim në një lagje veriore të Ankarasë për një ushtar të vrarë në përleshjet me militantët e Partisë së Punëtorëve të Kurdistanit (PKK), e cilësuar e jashtëligjshme nga Turqia.
Një grup i cili brohoriste me sloganin “Martirët nuk vdesin, atdheu nuk ndahet, mallkuar qoftë CHP-ja”, sulmuan me grushte dhe shqelma kryetarin e partisë Republikane Popullore.
Gjatë fushatës, Erdogan shpesh akuzoi CHP dhe Kilicdaroglu për lidhje me terrorizmin, sepse kishte marrëveshje zgjedhore në disa zona elektorale me partinë opozitare pro-kurde, për të cilën Erdogan tha se ka lidhje me PKK-në e jashtëligjshme./Opinion.al
