Aktualitet

Sulmi/ Mesiç: Iu bënë nder. Berisha: Rama nuk e gëzon suksesin pa dhunuar kundërshtarin



Bëhu pjesë e Grupit Zyrtar të Opinion.al
>> KËTU <<
               Publikuar në : 12:51 - 08/12/22 |
Opi Nion

Kryetari i Partisë Demokratike,  Sali Berisha ka pritur sot në zyrë ish-Presidentin e Kroacisë, Stipe Mesiç dhe ka zhvilluar një bisedë të përqendruar te incidenti i ditës së martë dhe gjendja poltike në vend.

Ndërsa po fliste për incidentin e së martës,Berisha theksoi sërish se goditja u bë nga një informator i policisë së shtetit, me porosi të ministrit Çuçi dhe të vetë kryeministrit Edi Rama.

Teksa u pyet se pse kundërshtari i tij mund ta bëje këtë, Berisha iu përgjigj: Edi Rama nuk e gëzon dot një sukses të vetin, sado i madh qoftë, pa dhunuar kundërshtarin. Është në psikën e tij”.

Nga ana tjetër, ish-presidenti kroat Mesiç u shpreh se e kishte ditur prej fillimit se sulmi ishte i organizuar, ndërsa shton se e gjitha kjo nuk mund të jetë një rastësi.

“Kam qenë shumë i shqetësuar dhe kam pyetur ndihmësit e mi çdo 15 minuta. E kam ditur që në fillim se është një sulm i organizuar. Përvoja ime e gjatë në politikën ballkanike më tregon se kjo nuk mund të ishte një rastësi”, i tha Mesiç Berishës.

Ndër të tjera, ish-presidenti kroat tha se kryetari i PD është dëmtuar fizikisht, por është ndihmuar politikisht.

“Ata ju kanë bërë nder me këtë sulm dhe kanë dëmtuar veten. Ju jeni babai i demokracisë, jo vetëm në Shqipëri, por edhe në rajon. Ju i duheni Shqipërisë, shqiptarëve dhe Europës, sepse jeni demokrat”, përfundoi ai.

Po ashtu gjatë takimit të tyre, Berisha u ndal te dramat aktuale të Shqipërisë, shpopullimi dhe rënia e pluralizmit nëpërmjet paralizimit dhe manipulimit të votës së lirë, por edhe përpjekja për të zhdukur opozitën.

“Kemi humbur më shumë shiptarë gjatë 8 viteve të fundit se Polonia gjatë Luftës së Dytë Botërore”, theksoi Berisha./Opinion.al

Pas