Pesë persona kanë mbetur të vrarë gjatë një sulmi me armë zjarri në Highland Park në Illinois gjatë paradës në kuadër të ditës së pavarësisë së SHBA.
Ndërkohë, 16 persona të tjerë kanë mbetur të plagosur dhe janë transportuar për në spital për ndihmë mjekësore.
Aktualisht policia është ende në kërkim të autorit të sulmit.
Njoftimi i autoriteteve në Ilinois
“Policia e Highland Park po i përgjigjet një sulmi me armë zjarri që ndodhi në qendër të qytetit Highland Park gjatë paradës së 4 korrikut.. Të gjithë individët këshillohen të strehohen në vend. Policia është në kërkim të të dyshuarit, ndërsa pranë vendit të ngjarjes është gjetur një armë zjarri. Forca të shumta të policisë po reagojnë dhe kanë siguruar një perimetër rreth qendrës së Parkut Highland, 16 persona janë në spital, 5 persona janë konfirmuar të vdekur./ Opinion.al
