Kompania shtetërore e Arabisë Saudite Aramco është prodhuesi më i madh i naftë, duke nxjerrë 10% të naftës në botë dhe është gjithashtu është një nga bizneset më fitimprurës në botë.
Që një sulm me dron të zhdukë gjysmën e prodhimit të saj, dhe 5% atë të botës, tregon se sa të pambrojtura janë këto burime të cilat janë një pjesë shumë e rëndësishme e infrastrukturës së energjisë botërore.
Fusha e naftës Khurais prodhon rreth 1% të naftës në botë, dhe Abqaiq është objekti më i madh i kompanisë – me aftësi për të përpunuar 7% të furnizimit global.
Një fuçi nafte e papërpunuar kushtoi 60 dollarë të premten dhe disa analistë besojnë se mund të shkojë deri në 80 dollarë ose më shumë. Kjo do të vijë si përgjigje nga sulmet të cilat kanë dërguar një shok në tregje por edhe për arsye se ka ende shumë të panjohura për faktet që rrethojnë sulmin dhe shkallën të dëmit.
Pothuajse tre të katërtat e naftës së Aramco shkojnë në Azi. Kur tregtimi i naftës fillon në Azi të hënën do të merren të dhënat e para se si tregjet kanë reaguar mbi shkallën e dëmit dhe si janë ndikuar çmimet.
Megjithatë, ngjarjet e mëparshme të një natyre të ngjashme nuk kanë pasur një efekt afatgjatë në çmimin e naftës.
Siç shpjegon eksperti ndërkombëtar i politikës energjetike Profesor Nick Butler, “ndikimi i drejtpërdrejtë i sulmeve mund të jetë jetëshkurtër. Tregu është vetë-rregulluar pa u ndikuar gjatë dy viteve të fundit nga humbjet, për arsye politike, të mbi dy milion fuçi në ditë të prodhimit nga Venezuela dhe Irani “.
Është shumë herët për të thënë nëse konsumatorët do të ndikohen financiarisht nga një çmim në rritje i naftës. Në afat të shkurtër kjo do të varet nga sa do të zgjasë ngritja e çmimit – dhe çdo ngritje do të marrë javë për të ndikuar çmimet e benzinës.
Tani për tani, investitorët po shikojnë nga afër për më shumë deklarata nga Aramco dhe për çdo reagim politik ndaj ngjarjeve. /Opinion.al
