Dy agjentë të policisë amerikane janë qëlluar sot në një sulm ndaj policisë me armë zjarri.
Lajmin e ka bërë me dije zyra e sherifit, ku thuhet se autori ka hapur zjarr me një pushkë gjysmëautomatike, por deri tani policia nuk ka arritur ende ta arrestojë.
Ngjarja ndodhi në kontenë Sebastian të Arkansasit.
Ky është sulmi i tretë që bëhet ndaj forcave të rendit në Shtetet e Bashkuara.
Në fillim të korrikut, një ishrezervist i marinës amerikane vrau me snajper 5 oficerë.
Ndërsa më 17 korrik 3 efektivë të tjerë u vranë në lokalitetin Baton Ruzh të Luizianës, nga një person që më pas mbeti i vrarë gjatë operacionit për arrestimin e tij.
