Bota

Sulm me thikë në Paris, plagosen 7 persona


Bëhu pjesë e Grupit Zyrtar të Opinion.al
>> KËTU <<
               Publikuar në : 09:51 - 10/09/18 |
b.f

Shtatë persona janë plagosur ndërsa katër prej tyre ndodhen në gjendje kritike, gjatë një sulmi me thikë në Paris. Ngjarja e rëndë ka ndodhur mbrëmjen e djeshme në brigjet e një kanali në rrethin e 19 të Parisit. Sulmi është kryer nga një person me thikë dhe me shufra hekuri.

Njeriu me origjinë afgane u arrestua më vonë nga policia, ndërsa ngjarja nuk është trajtuar ende si një sulm terrorist.

Agresori fillimisht ka therur dy burra dhe një grua pranë kinemasë MK2 në Quai de Loire, përgjatë kanalit Ourcq.

Dëshmitari okular Youssef Najah, 28 vjeç, tha se po ecte pranë kanalit kur pa një njeri që vraponte dhe mbante një thikë rreth 25-30 cm. Autoritetet u shprehën se po investigojnë më tepër këtë ngjarje, ndërsa kujtojmë se në Francë ka pasur sulme të shpeshta me thikë gjatë muajve të fundit.

 

Pas