Katër policë kanë mbetur të vdekur dhe 11 civilë janë plagosur nga shpërthimi i një bombe afër një xhamie në qytetin pakistanez perëndimor Quetta.
Mësohet se bomba ishte vendosur pranë një automjeti policie dhe është aktivizuar me telekomandë.
Sipas “Reuters”, deri më tani askush nuk e ka marrë përsipër sulmin e bërë ndaj policisë. Ndërkohë, shefi i policisë së Quetta Abdul, Razzaq Cheema tha se të katër të vdekurit ishin të gjithë policë, ndërsa kanë mbetur të plagosur edhe 2 efektivë të tjerë.
Kjo ngjarje vjen pas një serie sulmesh me bombë. Një javë më parë 10 persona u vranë në një sulm vetëvrasës në një furgon policor që ruante një faltore të madhe Sufi në qytetin lindor Lahore./ Opinion.al E.Xh.
