Dy gra kanë humbur jetën pasi që një person i armatosur ka hyrë në një studio në Florida dhe ka shtënë me armë zjarri.
Policia ka bërë të ditur se pas sulmit i dyshuari ka vrarë edhe veten.
61 vjeçarja, Nancy Van Vessem si dhe 21 vjeçarja, Maura Binkley, u qëlluan për vdekje nga sulmuesi 40 vjeçar Scott Beierle. Ngjarja ndodhi në një qendër tregtare në kryeqytetin e Floridas.
Si pasojë e sulmit, katër persona të tjerë janë lënduar. Kështu kanë bërë të ditur autoritetet amerikane. Akoma nuk dihen shkaqet e sulmit por policia ka nisur hetimet.
