Deputeti i PD-së, Dashnor Sula foli për mediat pas mbylljes së seancës kaotike në Kuvend.
Gjatë fjalës së tij, Sula tha se Salinaji është i burgosur politik dhe për këtë arsye opozita do të protestojë, zjarri i së cilës ka nisur sot.
“Ervin Salianji është i burgosur politik. Kanë bërë hakmarrje primitive e personale, duke nisur nga Rama e Xhafaj. Ndryshimi i Salianjit nga PS është se ato për zonjën Xhaçka nuk ekzekutuan vendimin, ndërsa Ervin Salianji po vuan dënimin në burgun e Fierit, pavarësisht se vendimi është i një regjimi. Një pjesë e sistemit të drejtësisë janë hanxhar në duart e qeverisë. Ne nuk do të tutemi. Ne nuk duhet të kemi frikë. Zjarri opozitar do të duhet të nisë sot. Shqiptarët më 7 tetor, ora 18:00 në Tiranë t’i japim fund regjimit”, tha Sula.
