Në shumë familje të reja janë gjyshet ato që kujdesen për fëmijët gjatë kohës që prindërit janë në punë. Ndaj për ti shpërblyer për përkujdesjen, dashurinë por dhe ndikimin pozitiv që kanë në nivelin e punësimit në vend, shteti suedez ka vendosur t’i paguajë. Detyra e vështirë e gjyshërve për kujdesin ndaj fëmijëve tani do të kompensohet edhe ekonomikisht.
Qeveria suedeze ka aplikuar një program pilot që parashikon pagesën e një rroge për gjyshet që kujdesen për nipërit dhe mbesat e tyre nga e hëna në të premte. Dalarni dhe Stokholmi, kryeqyteti suedez, janë dy vendet ku do aplikohet fillimisht programi pilot. Programi do aplikohet tek 1000 familje dhe në gjashtë muaj synohet të përhapet edhe në qytete të tjera. Rroga bazë do të jetë rreth 700 euro, por mund të ketë dhe përfiteme ekstra.
Qëllimi i këtij programi është të përmirësojë nivelin e punësimit në vend, pasi shumë nëna të reja shkëputen për periudha të gjata nga puna pas lindjes për t’u përkujdesur për fëmijët, ndërsa shumë të tjera nuk punojnë të qeta dhe kjo ndikon drejtpërdrejt në rezultatin e punës. /E.M
