Udhëheqësit e ushtrisë së Sudanit dhe liderët e opozitës kanë arritur një marrëveshje për të krijuar një këshill të përbashkët udhëheqës, marrëveshja e parë mes tyre pas grushtit të shtetit.
“Ne ramë dakord për një këshill të përbashkët ndërmjet civilëve dhe ushtrisë”, tha për agjencinë AFP, Ahmed dal-Rabia, lider i protestave.
Këto komente vijnë pasi palët mbajtën bisedimet e para formale, që prej se protestat masive çuan në rrëzimin nga pushteti të udhëheqësit autokrat, Omar al-Bashir, i cili qëndronte në krye të Sudanit prej 30 vitesh.
Këshilli tranzitor ushtarak i Sudanit, që rrëzoi nga pushteti dhe arrestoi Bashirin, mori nën kontroll vendin dhe u zotua se do të krijojë një udhëheqje civile, pas periudhës tranzitore e cila u tha se nuk mund do të zgjasë më shumë se dy vjet. Por, liderët opozitarë thanë se ky afat ishte shumë i gjatë dhe vazhduan presionin që udhëheqja e shtetit t’i kthehej civilëve sa më të shpejt.
Burimet i kanë thënë agjencisë Reuters se në takimet midis opozitës dhe ushtrisë është arritur marrëveshje mbi krijimin e një këshilli të përbashkët, por akoma nuk është arritur një ujdi se sa përfaqësues duhet të ketë në këtë këshill secila palë./Opinion.al
