Deklaratat e dhëna në ‘Studio e Hapur’ të ish kryeministrit Sali Berisha, kanë qenë me të vërtetë të papritura. Berisha tha se ai dikur ka bshkëpunuar me Edi Ramën, në vitet 2004-2005, kundra kryeministrit të asaj kohe, Fatos Nano.
Ai theksoi se bashkëpunimi me Ramën, ka qenë nëpërmjet lëvizjes “Mjaft” për të rrëzuar Fatos Nanon nga pushteti.
“Kam bashkëpunuar me të, jo drepërdrejt por përmes lëvizjes “Mjaft” për të rrëzuar Nanon nga pushteti”, tha Berisha.
I pyetur nga gazetarët për akuzat që i ka bërë në atë kohë Nanos, Berisha tha se vlerësoi dorëheqjen e tij, e cila shërbeu për Partinë Socialiste dhe Shqipërinë përmes rotacionit politik.
