Një person ka humbur jetën mbrëmjen e sotme në fshatin Kalluç të Poliçanit.
Burime paraprake bëjnë të ditur se ngjarja ndodhi rreth orës 19:30, në lagjen “Kalluç”. Viktima është 66 – vjeçari Behar Bregu, i cili u godit për vdekje me thikë nga 32 – vjeçari Nexhip Pano.
Dyshohet se shkaku i kësaj ngjarje ka qenë një konflikt i çastit.
Menjëherë në vendngjarje kanë shkuar shërbimet e policisë, të cilat kanë bërë të mundur arrestimin e autorit Nexhip Pano, ndërsa vijon puna për sqarimin e mëtejshem të rrethanave të ngjarjes./tvklan.al
