Një studim i kohëve të fundit, thotë se 30% e njerëzve që janë konsumator të mishit, nuk kanë dëshirë të ‘dalin’ me një vegjetarian.
Rezultate alarmante sidomos për ata që vazhdojnë të jenë single duke menduar që përveç njëmijë e një gjërave të tjera duhet të gjykohen edhe nga shijet e dietës së tyre të përditshme.
Mund të jenë paragjykime por konsumatorëve të mishit u duket e vështirë (së paku 4000 të intervistuarve) të ndajnë një darkë, për të mos folur për gjithë jetën, me ata që nuk ushqehen me mish.
Pra shigjeta e kupidit matet në tryezë?! Nuk është thjesht gjykim gastronomik por sipas antropologëve është një zgjedhje instiktive që lidhet me riprodhimin ku seksi dhe ushqimi kanë të njëjtën rëndësi. Nuk e dimë nëse është ky shkaku por aktualisht duket se rreth 75% e njerëzve (gjithnjë referuar sondazheve) provojnë të bëhen vegjetarianë por kthehen mbrapsh në gjysmë të rrugës.
Është natyrisht më e lehtë të konsumosh mishin apo prodhimet e tij në mënyrë të moderuar, ata që janë ndërgjegjësuar për këtë janë të shumtë. Megjithatë, pavarësisht të gjithave, parashikmet tregojën se për zgjedhje ose jo, numri i konsumatorëve të mishit në të ardhmen do të ulet aq sa edhe vende si Italia, do të kapin shifra si 65%-që do të jetë përqindja e popullsisë që do të heqë dorë nga mishi.
