Bota

Studimi/ Rastet Covid, 6 herë më të larta se raportimet nga autoritetet


Bëhu pjesë e Grupit Zyrtar të Opinion.al
>> KËTU <<
               Publikuar në : 18:48 - 20/11/20 |
el ida

Rastet Covid në vendet e zhvilluara mund të jenë mesatarisht  6 herë më të larta se sa shifrat e raportuara nga autoritetet.

Kështu ka vlerësuar një analizë në retrospektive e bazuar mbi numrin e vdekjeve të ndodhura gjatë muajit gusht në Australi, Kanada, Shtetet e Bashkuara të Amerikës, Korea e Jugut dhe në 11 vende europiane.

Mes këtyre vendeve në studim, ka qenë pjesë edhe Italia, ku infektimet rezulton të kenë qenë deri në 17 herë më të larta se sa ato të raportuara, sikurse njofton Ansa.

Studimi që paraqet një tablo të sistemit të gjurmimit dhe diagnostikimit, është publikuuar në revistën “Royal Society Open Science” nga një grup kërkimi Australian, i koordinuar nga Universiteti i Melburnit.

“Ndryshimet që hasen në sistemin e gjurmimit të vendeve të ndryshme, ashtu sikurse edhe ndryshimet që kanë ndodhur brenda vetë shteteve e bëjnë të vështirë vlerësimin real të shkallës së infektimit mbi bazën e rasteve të konfirmuara nga tamponët”, shkruajnë stiduesit.

Për të kaluar këtë problem ata kanë zgjedhur të bëjnë një analizë në retrospektivë duke u nisur nga numri i vdekjeve të përditshme dhe kanë projektur duke ecur pas në kohë, deri në momentin e infektimit.

“Me pak fjalë, kemi analizuar numrin e vdekjeve nga Covid në një vend dhe më pas kemi ecur në retrospektivë për të kuptuar se sa persona duhet të infektohen për të arritur në këtë numër vdekjesh”, ka shpjeguar studiuesi Steven Phipps.

Mesatarisht infektimet kanë rezultuar 6 herë më të lartë se sa raportimet, me ndryshime të dukshme nga vendi në vend.

Në Korenë e Jugut p.sh rastet reale duhej të ishin 2,6 herë më të larta se ato zyrtare, ndërkohë që në Itali, duhet të ishin 17,5 herë më të larta.

Megjithatë studiuesit nënvizojnë se ky vlerësim nuk është perfekt dhe kjo metodë analize nuk mund t’i zëvendësojë, por thjesht të plotëosjë modelet epidemiologjike  të përdorura deri tani./Opinion.al

Pas