HushHush.com ka vendosur, që nëpërmjet një studimi, të depërtojë pak më thellë në problematikën e gënjeshtrave të meshkujve dhe femrave dhe të marrë vesh se kush gënjen më shumë dhe më shpesh, meshkujt apo femrat.
Rezultati është humbës për gjininë mashkullore, sepse përgjigjet e të testuarve kanë zbuluar, se meshkujt gënjejnë tri herë më shumë se femrat.
Gjatë një viti mashkulli mesatarisht thotë më shumë se një mijë gënjeshtra, sepse femrat gënjejnë një herë në ditë, ndërsa meshkujt tri herë. Anketa në 2.500 britanikë të rritur ka treguar, se vetëm pesë për qind e njerëzve thonë vazhdimisht të vërtetën. Më shumë se gjysma e meshkujve ka deklaruar që gënjejnë tri herë në ditë, ndërsa 14 për qind të tyre dhe mbi pesë herë në ditë.
Femrat më shpesh gënjejnë për emocionet, ndërsa më shumë se një e katërta zakonisht thotë “jam mirë” edhe pse nuk ndihet ashtu. Meshkujt, nga ana tjetër, gënjejnë se e kanë bërë diçka që është duhej, por në fakt nuk e kanë bërë.
Madje 71 për qind e të testuarve vazhdimisht gënjejnë kolegët, miqtë dhe anëtarët e familjes duke e arsyetuar këtë me nevojën për të kursyer ndjenjat e të tjerëve, një e treta vazhdimisht gënjen shefin dhe kolegët dhe pastaj familjen dhe partnerët.
Meshkujt janë të tmerrshëm ndaj miqve, sepse 41 për qind e tyre e pranojnë që i gënjejnë vazhdimisht, në krahasim me vetëm 9 për qind të femrave, që komunikojnë ashtu me mikeshat.
Problemet me ndërgjegjen pas gënjimit bëjnë presion te gati tri herë më shumë femra sesa meshkuj, 62 ndaj 23 për qind.
Gënjeshtrat më të shpejta janë:
Femrat
1. Jam mirë – 27 për qind; 2. Arrij shumë shpejt– 26 për qind; 3. Jam duke zbritur – 24 për qind; 4. Dukesh shumë bukur -19 për qind; 5. Fatkeqësisht nuk ka pasur valë (sinjal) – 16 për qind
Meshkujt
1. Po, e kam bërë këtë – 45 për qind; 2. Fatkeqësisht, nuk kam pasur valë (sinjal) – 41 për qind; 3. U nisa për shtëpi – 39 për qind; 4. Nuk e kam parë që ke telefonuar – 35 për qind; 5.Nuk po e shikoja atë femër – 30 për qind.
