Gjatë një studimi social, meshkujve u janë prezantuar fotografi të formave të ndryshme të fytyrave femërore dhe pas kësaj atyre u është dashur që të zgjedhin se me cilën femër nga fotot do kishin filluar një lidhje afatgjate si dhe me cilën fytyrë do të kishin patur një aventurë të shkurtër.
Rezultatet janë më shumë se interesante, femrat me konturet e buta, mjekër të vogël, faqe të plota apo me tipare më femërore të fytyrës, janë zgjedhur si më të dëshirueshme për një aventurë të shkurtër.
Në anën tjetër femrat me fytyrë katrore dhe me mollëza më të theksuara janë zgjedhur për marrëdhënie afatgjata.
Pas studimit, shkencëtarët kanë parashtruar pyetjen pse janë përzgjedhur fytyra të tilla, mirëpo meshkujt nuk kanë patur përgjigje. Disa prej tyre janë përgjigjur se femrat me vija më të buta janë dukur të gatshme për të tradhëtuar.
