Një studente izraelite, 27 vjeçare, ka pranuar se ka vjedhur sende nga kampi nazi-gjerman, në kampin e Auschiwitzit (Poloni), për projektin e artit.
Studentja, e quajtur Rotem Bides, gjyshërit e të cilës i mbijetuan Holokaustit, e kishte vizituar disa herë më parë kampin gjerman. Ajo u shpreh se kishte vepruar në atë mënyrë, pasi ishte e shqetësuar, se me kalimin e kohës, Holokausti mund të kthehej një mit.
Zonja Bides tha: ” Ishte diçka që duhej ta bëja. Miliona njerëz u vranë bazuar në ligjet morale të një vendi të caktuar, nën një regjim të caktuar. Nëse këto janë ligjet, unë mund të shkoj atje dhe të veproj sipas ligjeve të mia. Unë nuk jam duke thënë se kam të drejtë ta bëj, sepse gjyshi im ishte në Auschwitz, thjesht po i bëj pyetje, jam e shqetësuar që pasi të gjithë të mbijetuarit janë zhdukur, Holokausti do të kthehet në një mit, diçka që nuk mund të perceptohet.”
“Është e vështirë të imagjinohet se vjedhja është e justifikuar në asnjë mënyrë, madje edhe përmes artit, që mund të shihet si një përpjekje për të fituar publicitet”, – janë shprehur autoritetet e kampit.
Më shumë se një milion njerëz, kryesisht hebrenj, u vranë në Auschwitz gjatë Luftës së Dytë Botërore. Objekte e vjedhura, nga kampi Auschwitz, ishin një shishe prej qelqi, lojë me birila të vogla, një vidë metalike, të cilat i kishte bërë pjesë të projektit përfundimtar, në Jerusalem.
Por mesa duket campi gjerman duhet të rrisë sigurinë, mbi objektet, pasi incidente të tilla kanë ndodhur edhe më parë.
Në vitin 2011 një zyrtar i qeverisë vendore izraelite mori disa sende që ishin shtrirë në tokë pranë një kabineti të ekranit, por ato u zbuluan nga zyrtarët në aeroportin e Krakovës.
Moti Posloshani, i biri i të mbijetuarve të Holokaustit, më vonë i tha Yedioth Ahronoth se kishte dashur të “ruante” objektet dhe ndoshta t’ia dorëzonte ato Yad Vashemit, muzeut përkujtimor të Holokaustit në Jerusalem.
Dhe në vitin 2009, famëkeqja “Arbeit macht frei” (Puna ju bën të lirë), shenjë mbi hyrjen e Auschwitz ishte vjedhur nga hajdutët, por u rikthye menjëherë pas kësaj.
Muzeu Auschwitz-Birkenau ka përshkruar largimin e objekteve si “të dhimbshme dhe të egra” dhe kërkoi që autoritetet izraelite të sigurojnë kthimin e tyre./opinion.al
