Studentët e universiterit “Fan Noli” kanë rinisur protestat. Ata bojkotuan paraditen e sotme një orë mësimi, duke paralajmëruar drejtuesit e universitetit për agravim të protestës.
Studentët thonë se “Pakti për Universitetin”, i lançuar më herët nga kryeministri Rama nuk po zbatohet, si dhe kanë kërkuar nisjen e vettingut në rangun e pedagogëve. Studentët shprehin gjithashtu shqetësim lidhur me mungesën e tregut të punës.
Rektori, Ali Jashari ka reaguar në lidhje me protestën e tyre duke iu dhënë të drejtë lidhur me hapësirat e punësimit, teksa shtoi se po përgatitet baza ligjore për vettingun.
“Studentët kanë të drejtë sa i takon mungesës së hapësirave për punësim. Ne po punojmë që të hapim programe të reja punësimi. Kemi hequr dore nga programet tradicionale, janë hapur 15 programe me karakter profesional për të cilat Korça ka nevojë. Sa i perket vetingut, po pergatitet baza ligjore. Po punojme per listen me literaturen baze. Tekstet do ti kene vitin tjeter ne biblioteka.”, tha ai./Opinion.al
