Dekanati i Fakultetit Ekonomik dhe studentët e këtij fakulteti kanë përshkallëzuar edhe më tej qëndrimin e tyre në lidhje me pikat e kërkesave.
Mbrëmjen e djeshme studentët e këtij fakulteti kanë përpiluar një listë me 12 kërkesa, nga 8 fillestare.
Këto kërkesa sipas studentëve janë të panegociueshme dhe plotësimi i tyre është kusht për tu kthyer në auditor.
Por duket se kërkesat janë të parealizueshme, pasi çdo dialog mbyllet te pika e parë e kërkesës ku thuhet: “Mospagimi i tarifave të shkollimit deri në plotësimin e 8 pikave të kërkesave”
Lista e kërkesave
- Mospagimi i tarifave të shkollimit deri në plotësimin e 8 pikave të kërkesave
- Shtyrja e sezonit për shkak të situatës së krijuar dhe afatit të procedurave për bursa për studentët e FEUT-së
- Transparenca e çdo veprimi financiar të buxhetuar dhe faktik të Fakultetit të Ekonomisë
- Me daljen e kuadrit ligjor stafi akademik i FEUT-se shpreh gatishmërinë për të rivlerësuar cilësinë e portofolit të tyre akademik
- Vlerësimi i performancës në mësimdhënie nga studentët në çdo fund simestri dhe kërkimet shkencore të pedagogëve, publikimi i tyre online dhe regjistrimi i leksioneve
- Rikonstruksioni dhe bërja funksionale e sallave laboratorike
- Zerimi i tarifave të brendshme (listë notash, vërtetime) për studentët aktiv
- Pasurimi i bibliotekës me 150 tituj të rinj për pedagogë dhe studëntë brenda 3 muajve
- Mundësimi i praktikave nga fakulteti për studëntët të cilët nuk e sigurojnë dot individualisht
- Nisja e procedurave për projektin e ndërtimit të Kampusit Universitar bazuar të premtimi i kryeministrit
- Transparencë për procedurat e përzgjedhjes nga programet Erasmus për pedagogë dhe studentë
- Nisja e një plani veprimi për plotësimin e kërkesave të studentëve që varen nga dekanati
