Disa nga studentët e Fakultetit të Arkitekturës kanë braktisur të enjten pasdite dialogun me kryeministrin Edi Rama me argumentin se ai nuk po dialogon me studentët, por këta të fundit po detyrohen të dëgjojnë monologun e tij.
Një studente e këtij faktulteti, ka marrë fjalën, duke iu drejtuar kryeministrit se ju nuk mund të bleni dot studentët, pikërisht ashtu siç keni blerë FRESSH-istët.
“Nuk ke çfarë më shpejgon. E ke thënë troç dhe më ke marrë në telefon. Nuk na blini dot siç keni blerë 100 apo 1000 freshista. Nuk na kërcënoni dot duke na thënë që do t’u heqim prindërit nga puna apo duke na kërcënuar”,- tha studentja.
Ajo i tha atij se nuk mund t’na ulni dot poshtë me idenë se do na kërcënoni se do na hiqni prindërit nga puna.
Pjesë nga debati:
Studentja: Askush nuk po shpik këtu z.kryeministër. Të gjithë po flasim nga përvoja personale.
Rama: Më fal kush ta dha fjalën?
Studentja: Unë fjalën dot a marr. Kam që ç’parë që e kërkoj dhe më keni ndërprerë. Nuk më lejoni të flas sepse e di shumë mirë se çfarë do të flas?
Rama: Ouuu
Studentja: Në fjalorin tuaj cila fjalë konsiderohen ofenduese? Fjala ‘zhvatje me vetëdije’ konsiderohet ofenduese?
Rama: Skandaloze!
Studentja: Pse është skandaloze, kur ajo po bëhet realisht.
Rama: Nuk ta shpjegoj dot?
Studentja: Edhe mbrëmë nuk më keni dhënë përgjigje.
Rama: Pasi më ke shkruar atë fjalë, të kam thënë që…
Studentja: Ta tregoj unë çfarë më keni thënë. Ke thënë që gjatë gjithë këtyre ditëve keni treguar një nivel të lartë të dembelizmit mendor.
Rama: Nuk është fjalia ime kjo.
Studentja: Është fjalia juaj. Më keni marrë në telefon në orën 10 e gjysmë. Të mbaroj unë, pastaj flisni.
Rama: Lexoje në mënyrë korrekte.
Studentja: Ti dhe kushdo që mendon si ti, mua më merr të keqen për “zhvatje me vetëdije”
Rama: Patjetër!
Studentja: ‘Dhe paturpësia e lëshimin e këtij lloji të neveritshëm fjalësh, jo që nuk është argument, po flet sa njëmijë fjalë për nivelin e dembelizmit mendor që në mënyrë kaq spektakolare është shfaqur gjatë tërë këtyre ditëve‘.
Çfarë jemi ne për ju? Jemi lolo të qeverisë? Apo marioneta të atyre që janë vartësit tuaj.
Rama: Çohu dhe ik. Unë i respektoj të gjithë ata që më shkruajnë.
Studentja: Nuk ke çfarë më shpjegon. E ke thënë troç dhe më ke marrë në telefon. Nuk na blini dot siç keni blerë 100 apo 100 freshista. Nuk na ulni dot poshtë, duke thënë se do t’u heqim prindërit nga puna, duke na kërcënuar me makina. Zërin tonë do e dëgjoni. Ju nuk doni të dëgjoni, doni vetëm të flisni vet. Të bëni monolog. Nuk kam mbaruar akoma. Ky nuk është dialog, është diçka e manipuluar. Dialogu duhet të ishte bërë me të gjithë studentët dhe jo veç e veç. Po luani atë lojën kukafshehthi. Këtë keni bërë me të gjitha universitetet, duke filluar nga UBT-ja. Ky nuk është dialog. Kushdo të dalë, le të dali, kush do të dëgjojë monolog të rri këtu”.
Nga salla dëgjohen thirrjet bravo dhe një pjesë studentësh largohen nga salla.
