Strazimiri: Tahiri i përfshirë në trafik, ruhet me polic 24 orë

TIRANE- Partia Demokratike i kërkon Qeverisë të reagojë pas deklaratave të ministrit  të Brendshëm Saimir Tahiri se në makinën që ua kishte shitur kushërinjve Habilaj e kishte përdorur disa herë gjatë pushimeve. Sipas Gent Strazimirit, Qeveria po i bën një mbrojtje të paligjshme ministrit të saj. “Zotëria AA003GB, thotë me gojën e tij se ka shitur një makine luksi ‘në të zeze’ teknikisht si berberet që guxojnë të rruajnë e të qethin pa kasë, si shitesi ambulant i cigareve në trotuar nga i cili gjithashtu shteti do pjesën e tij, dhe nuk i hyn gjemb në kembë”, u shpreh ai.  Opozita thotë se ministri Tahiri ruhet nga policia 24 orë në ditë edhe pse ka pranuar se mund të shkëmbejë makina me trafikantë dhe si qytetar privat mund të transportojë veten dhe familjen me taksinë e drogës.