Mjekët popullorë apo të vetëquajturit profetë kanë shumë “klientelë” në mbarë Shqipërinë, dhe jo vetëm në zonat rurale. Shumë prej tyre mashtrojnë njerëz për përfitime personale, por ka edhe nga ata të cilët nuk kërkojnë vetëm para por edhe favore seksuale. I tillë është rasti që sjell mbrëmjen e sotme emisioni “Stop” në Tv Klan.
Kamera e fshehtë e “Stop” sjell sonte një rast të një personi, që nën petkun e “njeriut të Zotit”, ngacmon seksualisht gra e vajza, që i shkojnë për hall ose shërim.Nga pritja në shtëpinë e tij, e deri te tentativat për puthje e skena të nxehta, gjithcka vjen sonte në ekranin e TV Klan, në emisionin “Stop”. “Këshillat” e njeriut-shërues dhe kërkesat e tij aspak normale janë objekt i kamerës së fshehtë të kësaj të marte.
