Sekretari i Përgjithshëm i NATO-s, Jens Stoltenberg, tha se pret që Suedia dhe Finlanda të bëhen anëtarë të aleancës ushtarake shpejt.
“Ne do të marrim një vendim sot ose të paktën në samitin për të ftuar Suedinë dhe Finlandën për t’u bërë anëtarë, kjo është e shpejtë e paprecedentë,” tha ai pas mbërritjes në samitin e NATO-s në Madrid të mërkurën, pasi të dy vendet depozituan aplikimin në mes të majit.
Pas ftesës, “ne kemi nevojë për një proces ratifikimi në 30 parlamente, që kërkon gjithmonë pak kohë, por unë pres gjithashtu që të shkojë mjaft shpejt sepse aleatët janë të gatshëm të përpiqen që procesi i ratifikimit të ndodhë sa më shpejt,”-tha ai.
Udhëheqësit e NATO-s që takohen të mërkurën në Madrid do të “pohojnë qartë se Rusia përbën një kërcënim të drejtpërdrejtë për sigurinë tonë”, tha gjithashtu Stoltenberg./Opinion.al
