Sulejman Starova u dëbua nga gjyqtari Jorgji në minutat e fundit për shkak të protestave për penalltisë e akorduar në favor të Flamurtarit dhe në intervistën për mediat, trajneri i Partizanit, shprehet se vendime të tilla mund t’i japë vetëm një arbitër si ai. Starova shkon edhe më tej duke deklaruar se më atë 11-metërsh Jorgji lau gjynahet me vlonjatët.
Cfarë ndodhi në minutën e 93-të. Shumë i revoltuar…
Komenti im është që gjyqtari nga Elbasani, Jorgji, gjynahet që ka pas me Vlorën, i lau sot. Pjesën më të madhe kemi qenë ne në zotërim të topit. Nuk akordoi një penallti për Ramadanin. Vetëm ai mund të japë ashtu lloj penalltie.
Çfarë mendimi keni për 11-metërshin e akorduar?
S’është penallti ai rast…
Mendoni se mund ta penalizoni skuadrën?
Nuk pyet njeri për pezullimin tim, unë përsëri do jem aty. Partizani ka trajnerë plot.
Nuk kishit mundësi të gjeni një sulmues si pikë referimi? Do prisni Çanin?
Nuk është momenti për të fol se si do luaj unë në sulm. Për të tjerat, i kemi alternativat. Merkato e janarit është për riparime, dhe ne kemi bërë riparim total. Më vjen keq për lojtarët që sakrifikuan, bënë një lojë shumë të mirë, dhe ndëshkohen në mënyrë të tillë. Ne këtu erdhëm për rezultat të mirë, pse jo edhe për fitore, ndaj një skuadre me financa të larta. Edhe Çani do të afrohet me skuadrën, njësoj me të tjerët. Kemi edhe lojtarë të tjerë. Besoj se jemi të kompletuar.
Në maj të vitit kaluar, në një debat me Duron, patët thënë: Shyqyr që Flamurtari ka këtë trajner, dhe kemi një kundërshtar që mund ta lëmë mbrapa… A i qëndroni kësaj shprehje?
Vjet e kam thënë unë këtë? Po unë kur e kam filluar kampionatin këtë vit? Atë e kam thënë më parë, por tani jam bërë trajner./ BW
